ალენ დალესი აშშ-ის ცენტრალური სადაზვერვო სააგენტოს (CIA) მესამე დირექტორი იყო. მეორე მსოფლიო ომის დროს დალესი ევროპის პოლიტიკურ დაზვერვას ხელმძღვანელობდა და მკვეთრად ანტიკომუნისტური განწყობის ადამიანი და ცივი ომის იდეოლოგი იყო. ”დალესის დოქტრინა”, როგორც დოკუმენტი, არასდროს არ გამოქვეყნებულა და არც მისი ორიგინალი არსებობს. ყველაზე ახლოს ამ დოკუმენტთან არის 1948 წლის აშშ-ის ეროვნული უსაფრთხოების საბჭოს მოხსენება, რომელიც ამერიკის თავდაცვის მინისტრ ჯეიმს ფორესტოლის მოთხოვნით გაკეთდა და ალენ დალესს მასთან არანაირი შეხება არ ჰქონია.
რუსულ პროპაგანდაში ხშირად გვხვდება ”დალესის გეგმის’‘ სახელით ცნობილი დოკუმენტი, რომლის ავთენტურობის დადგენა შეუძლებელია. ”დალესის გეგმა” მედიაში საბჭოთა კავშირის დანგრევის შემდეგ, უკვე თანამედროვე რუსეთის საინფორმაციო ომში იკავებს აქტიურ ადგილს და შეგვიძლია დასავაკვნათ რომ ის დეზინფორმაციასთან უფრო ახლოსაა, ვიდრე რეალობასთან. თუმცა დალესის ბიოგრაფიას და მოღვაწეობას თუ გადავავლებთ თვალს საკმაოდ უხვ მასალას წავაწდებით იმის გასააზრებლად რას ემსახურებოდა თვითონ ალენ დალესი, პროგრესს – როგორც ლიბერალები გვარწმუნებენ, თუ ბოროტებას – რასაც მას მემარცხენეები აბრალებენ.
ჰიტლერის და მუსოლონის მეგობარი
დალესი პირდად იცნობდა XX საუკუნის მსოფლიოს პოლიტიკის უამრავ ლიდერს.
ის საკმაოდ კარგ ურთიერთობში იყო ადოლფ ჰიტლერთან – მათი პირველი შეხვედრა 1932 წლის 4 იანვარს შედგა ბანკირის, კურტ ფონ შრედერის ვილაზე კიოლნში. შეხვედრის მთავარი საგანი გერმანიის ნაციონალ-სოციალისტური პარტიის დაფინანსება იყო, რომელიც იმხანად არც თუ ისე სახარბიელო მდგომარეობაში იყო.
აღნიშნული შეხვედრა საკმაოდ წარმატებულად დასრულდა. ჰიტლერმა მიიღო საჭირო ფინანსური დახმარება და უკვე შემდგომ წელს ნაცისტებმა პოლიტიკური ძალაუფლება ხელში ჩაიგდეს. ამაში გარკვეული როლი ასევე დალესის უფროსს ძმასაც მიუძღვის, რომელიც ამ შეხვედრას ესწრებოდა. ამერიკელებმა ნაცისტებისთვის ნავთობის მიწოდება დაიწყეს.
ფიურერს, ისევე როგორც ბენიტო მუსოლინის ალენ დალესი საკმაოდ თბილად იხსენებდა, და მათ «შესანიშნავ ხალხს» უწოდებდა.
საერთაშორისო დამნაშავე
2015 წელს ამერიკელმა ჟურნალისტმა დევიდ ტალბოტმა გამოსცა წიგნი – ”ეშკამის ჭადრაკის დაფა, ალენ დალესი და CIA”
ავტორი ალენ დალესს აშშ-ის ისტორიის ბნელი მხარის წარმომადგენელს უწოდებს და იმ აზრს ანვითარებს, რომ სწორედ ალენ დალესის აქტიური ჩართულობით და ხელმძღვანელობით ხდებოდა სხვადასხვა ქვეყნებში სახელმწიფო გადატრიალების მოწყობის მცდელობები, პოლიტიკოსების ლიკვიდაცია, წამების და არაადამიანური მოპყრობის პრაქტიკის დანერგვა და ა.შ
უფრო მეტიც, დევიდ ტალბოტი ალენ დალესს ბრალს დებს XX საუკუნის 2 გამორჩეული პოლიტიკოსის – საფრანგეთის პრეზიდენტის, შარლ დე გოლის და აშშ-ის პრეზიდენტის, კონ კენედის მკვლელობების ორგანიზებაში. შარლ დე გოლი ცოცხალი გადარჩა, ხოლო კენედი კი როგორც მოგეხსენებათ – ვერა.
საფრანგეთის ლეგენდარული მმართველი, მე-5 რესპუბლიკის პრეზიდენტი, შარლ დე გოლი თავის მემუარებში აღნიშნავს, რომ ზუსტად ის ხალხი, ვინც მისი ლიკვიდაცია დაგეგმა, ასევე იდგნენ კენედის მკვლელობის უკან. გენერალი დე გოლი მიანიშნებდა ალენ დალესის დანაშაულზე კენედის მკვლელობაში. 1961 წელს კუბაზე განცდილი მარცხის შემდეგ, რასაც საერთაშორისო მასშტაბით აშშ-ის იმიჯის გაუარესება მოჰყვა, ალენ დალესს თანამდებობა დაატოვებინეს. იმ მოსაზრებას, რომ პრეზიდენტი კენედი დალესის მონაწილეობით მოკლეს ბევრი მომხრე ჰყავს, თუმცა აღსანიშნავია, რომ ეს სამართლებრივად დადასტურებული არ არის.
თუ ეგ მართალია – მაშინ ყველა “ძველი” თუ “კაი ბიჭი” ალან დალესის პირდაპირი აგენტი ყოფილა .. ზუსტად მაგენმა დაარწმუნეს ახალი თაობა რომ ნარკომანობა, უსაქმურობა, ძალადობა და გაიძვერობა არისო ვაჟაკოცბა.. წესიერება კი გოიმობაო 🙂
LikeLike
ქართულ ზნეობრიობას, ქართულ სულს და მართლმადიდებლობას ვერ მოერევა დალესი. ის ვინც სუსტია და ცდუნდება გამორიცხული არ
არის, ის აღმოცნდება ისტორიის სანაგვეში.
LikeLike